قصيده
تدری لیش
ارد انشدنک یشیعی تدری لیش احسین ثار
وتدری المن نزل بالطف دون کل ذیچ الدیــــــــــــار
**********
روح تابع هالقضیه وانشد اهل الفهم والفن
شنهی نیت احسین چانت بالرحیل وحارب المـــــــن
لایضل محتار فکرک لا تعیش ابوهم وابظن
الک مفتوح المجال ومابعد تملک اعـــــــــــــــذار
**********
احسین یقصد من خروجه یصلح امة جده طه
یقلع اجذور الفساد ویزرع البر والنّزاهــــــــــــــــه
حارب الطاغی لئن للهاویه جرهه وخذاهه
وداس بقدامه الشریعه وسلّط اعلیهه الشــــــــرار
**********
الامر بالمعروف خلّه ایصیر بوجودک سجیّه
حیث ابولثّوار بالدّم سجلالک هالوصیـــــــّــــــه
صیر جدّام البطل سد لاتگول آنه اشعلیه
تدری المنکر لون عم یعم من بعده الدّمــــــــــــار
**********
حارب المنکر یشیعی وسل علیه سیف الحسین
واجب صوته الچان یطلب ناصر ویطلب معیـــــن
ضحّه بوجوده لجلنّه وبیدنه سلّم الدین
وگال لتطیعون ظالم کل وکت صیرو احـــــــــــرار
**********
احرار کلنه انصیر لازم فرد چلمه وفرد اید
انحارب اشکال الظلال الظاهر ابطابع جدیـــــــــد
والزمان ابکل عصوره بی احسین وبی یزید
الیا طرف نبذل مهجنه ضل بدینه الاختیــــــــــار
*********
سیر واعی ابنهج حیدر لاتغشّک هالمظاهر
مغریات الدنیه تفنه موش هذا الیوم باچــــــــــــــــــر
تره ایزید الیوم اکلف مظهره جذّاب ماکر
والوگف ویّه الحسین اینول مرتبت النصـــــــــــــــــار
**********
هذا خط احسین واضح سیر بیه واصلح امورک
واصلح الغیر ابسلوکک وادّی بالمجتمع دورک
بالمساجد والمدارس احضر وواصل حضورک
وابمیادین العلم اصنع تفوّق وانتصــــــــــــــار